You are too far away by Lisa easy.design
*heuL*

Min Liebschte...

 Du weisch, wie schlächt s' mir goht... Dass es schlimm wird, han ich jo sowieso gwüsst, aber dass es sooo extrem hart wird, dich nit bi mir z'ha, das han ich mir denn noni chönne vorstelle!  Es isch wirklich zum verzwiifle...

D'Nächt sind so lang... Ällei ischlofe oder ällei uffwache - Ich weiss nit, was schlimmer isch... Aber ich gib mir ganz fescht Müeh, nit z'truurig z'si... Wie du mir gseit hesch... Wahrschinli hesch Rächt, und d'Zytt vergoht viel schneller, wenn ich's au in dere Zytt ohni dich guet han - So guet wie möglich halt...

 Es gitt halt nit viel Neus vo do! Usser dass ich dich ganz lieb grüesse söll - vo dim Paps und diner Mom, de Tamara und em Simon... Und ich bin mir sicher, dass dir au de Fabian es Grüessli schicke würd, wenn er's chönnt! *g* Er frogt ämel ganz oft nach dir!  

Liebi Grüess au vo miner Family! Ich han viel Zytt mit ihne verbrocht über Oschtere! Si händ mega guet zu mir gluegt, het mer fascht scho Angscht gmacht, hihi!  S'Huus isch jetzt so guet wie fertig... Muesch denn unbedingt go aluege, wenn du wieder do bisch!

 Suscht hani viel Zytt in de Sunne verbrocht, mit Läse, wie du weisch... Han mich wirklich nümm vo dem Buech trenne chönne, es isch so guet!!!  Vor allem han ich mich so guet ablänke chönne... Es het mini Täg bitz verkürzt und denn isch au scho bald wieder Zytt zum Telefoniere gsi!  (Eigentlich mach ich das jo suscht immer am Schluss, aber jetzt chan ich eifach nit warte: ICH LIEB DICH, SCHATZ! UND ICH VERMISS DICH SOOO!!! )

 

Ich han viel Zytt mit mine Fraue verbrocht. Ich glaub, sie gniesse's grad bitz, dass du moll chli wäg bisch, hehe!  Mir sin in Bärn gsi, s'Wätter isch so wunderbar gsi... Hüt wärde si de ganz Tag bi mir si... Mir wärde in min Buri inestüüüürzeee!  Freu mich! Aber Schatzi, weisch waaaas?! Ich han an min letschte Geburtstag dänkt... Ich glaub, es isch de bescht gsi, wonich je gha ha!  Und wenn du wieder do bisch, möcht ich en no mit dir fiire! *gG* (Nit nur, will ich jede Tag möcht Geburtstag fiire, sondern au (ganz wenig *fG*) will's mit dir eifach am speziellschte isch! ) Jaaaa...

 Jetzt isch Viertel ab 2... No 3/4 Stund, denn lütisch du a!  Bin scho jetzt ganz kribbelig! Ich fühl mich ächt jedes Mol so, wie wenn ich dich zum erschte Mol ghöre würd... Dini Stimm isch so wunderschön und beruhigend... Ich lieb si! Wie alles andere an dir au... Bisch min Traum, das weisch du hoffentlich! Bisch s'Beschte, wo's uff dere Ärde gitt - Mit Abstand!

 

So Babyboo, do's jo nümm so lang goht bis du alütisch und ich's mir no gmüetlich mache möcht (han Haribooo kauft - dini! ), und sowieso, do ich dir jo alles andere bald verzelle chan, mach ich do moll es fetts Pünktli.  

Du fehlsch mir. Ganz, ganz fescht...

 *deiNhaArzeRwUscHeL*

Dis Herzilein

11.4.07 02:19


Für mein Teufelchen...

 Liebling...

 Du bisch jetzt wäg... Sitt genau 5 Stund. Ich fühl mich jetzt scho ganz verlore ohni dich und weiss nit, was ich no alles mache chönnt... Richtig boooooring ohni mi Baby...  Tjoooo...

 Und do ich jo es guet langs Zyttli ohni dich si muess *heul*, han ich dänkt, ich fang a, z'blogge! Hehe... Saucool... *grinZ* Ich weiss jo, wie mir mittlerwiile an unsem Schloof hange und dorum hani dänkt, es wird am eifachschte, dir so immer z'säge, was ich grad mach und wie's mir goht... Also jo, uff en anderi Art... Mit Fotos und so!

 Hach Schätzi, ich weiss nit, wenn mir 5 Stund s'letscht Moll sooooo lang vorcho sin, usser bi unserer Wanderig! Hihi... Ich han jetzt min Krützlikaländer scho uff de Tisch gstellt! Es wird immer s'erschte sii, wonich am Morge mach! Chan's chuum erwarte, dich wieder bi mir z'ha... Machsch mich eifach zum glücklichschte Mensch uff Ärde! Möcht dich immer bi mir ha... Wird dich so fescht vermisse - Chönnt jo jetzt scho hüüle! *trauriggugg* Tja. 

 Möcht eifach, dass du weisch, dass ich dich über alles lieb! Und dass ich uff dich wart... Ich freu mich uff unsi Zuekunft... Es isch alles so wunderschön mit dir... "Paradiesisch", wie du's immer so hübsch seisch!

 Schick dir en zärtliche Kuss min Schatz...

5.4.07 20:00


It's my world, baby...

...You're just in it!

Credits

Design
Designer
Gratis bloggen bei
myblog.de